درس صرف میر

[یہ کتاب کی اٹھارہویں فصل ہے۔ اس فصل میں فعلِ مُضارع مجہول بنانے کا طریقہ بیان کیا گیا ہے]۔

گزشتہ درس میں ہم نے فعل ماضی معلوم سے فعل ماضی مجہول بنانے کا طریقہ  بیان کیا۔الحمد للہ فعلِ ماضی مجہول کی بحث مکمل ہوگئی۔ 

 اس فصل میں پہلا مطلب یہ ہے کہ جب ہم فعل مضارع معلوم  کے ثلاثی مجرّد  اور مزید فیہ جیسے : یَضْرِبُ، یَنْصُرُ، یَعْلَمُ  کو مجہول بنانا  چاہیں  تو اس کا طریقہ  یہ ہے کہ  فعل مضارع کےشروع میں حرف مضارع اگر مضموم نہ ہو تو اسے مضموم کر دیتے ہیں اور عین الفعل  اگر پہلے سے مفتوح ہو تو درست ورنہ اسے  مفتوح کردیتے ہیں جیسے: يُنْصَرُ و يُضْرَبُ و يُعْلَمُ و يُمْنَعُ و يُشْرَفُ و يُحْسَبُ و يُكْرَمُ و يُصَرَّفُ و يُضارَبُ و يُكْتَسَبُ و يُتَضارَبُ و يُتَصَرَّفُ و يُحْمَرُّ و يُحْمٰارُّ و يُسْتَخْرَجُ۔

دوسرا  مطلب یہ ہے کہ جب ہم فعل مضارع معلوم  کے رباعی مجرد اور  مزیدفیہ کو مجہول بنانا چاہیں تو  فعل مضارع کے عین الفعل کی بجائے پہلی لام کو مفتوح کر دیتے ہیں جیسے: يُدَحْرَجُ و يُتَدَحْرَجُ و يُحْرَنْجَمُ و يُقْشَعَرُّ. 

 یَضْرِبُ: یہ ثلاثی مجرد کے باب فَعَلَ یَفعِلُ سے  فعل مضارع معلوم مفرد مذکر غائب کا صیغہ ہے، اسے مجہول بنانے کے لئے علامتِ مضارع کو مضموم اور عین الفعل کو مفتوح کریں گے تو  يُضْرَبُ بن جائے گا۔

 یَعْلَمُ :  یہ ثلاثی مجرد کے باب فَعِلَ یَفعَلُ سے  فعل مضارع معلوم مفرد مذکر غائب کا صیغہ ہے، اسے مجہول بنانے کے لئے علامتِ مضارع کو مضموم کریں گے اس کے علاوہ  کوئی تبدیلی نہیں لائیں گے؛ اس لئے کہ اس میں عین الفعل پہلے سے ہی مفتوح ہے ۔مفتوح کو دوبارہ مفتوح کرنے سے سےتحصیل حاصل لازم آئے گا جو کہ قبیح چیز ہے ۔

 یُدَحرِجُ: یہ رباعی مجرد سے    فعل مضارع معلوم مفرد مذکر غائب کا صیغہ ہے، اسے مجہول بنانے کے لئے علامتِ مضارع تو پہلے سے ہی مضموم ہے لیکن

اس کی راء کو مفتوح کر دیں گے۔ یاد رہے کہ یہ راء  لام اول کے مقابل میں ہے تو یہ بن جائے گا:  يُدَحْرَجُ۔

مصنف فعلِ مضارع مجیول بنانے کے متعلق فرماتے ہیں:

"فصل : چون فعل مستقبل را از براى مفعول بنا كنند ، حرف استقبال را مضموم كنند ( اگر مضموم نباشد ) و عين را مفتوح كنند ( اگر مفتوح نباشد )"

فصل: جیسا کہ پہلے بیان کیا جا چکا ہے کہ یہ فصل فعلِ مضارع مجہول بنانے کے بارے میں ہے۔ جب فعلِ مضارع معلوم سے فعلِ مضارع مجہول بنانا چاہیں تو علامت مضارع اگر مضموم نہ ہو تو اسے مضموم کرتے ہیں اور اگر عین الفعل مفتوح نہ ہو تو اسے مفتوح کرتے ہیں۔

"چون : يُنْصَرُ و يُضْرَبُ و يُعْلَمُ و يُمْنَعُ و يُشْرَفُ و يُحْسَبُ و يُكْرَمُ و يُصَرَّفُ و يُضارَبُ و يُكْتَسَبُ و يُتَضارَبُ و يُتَصَرَّفُ و يُحْمَرُّ و يُحْمٰارُّ و يُسْتَخْرَجُ"

 جیسے  يُنْصَرُ، يُضْرَبُ، يُعْلَمُ ، يُمْنَعُ، يُشْرَفُ، يُحْسَبُ، يُكْرَمُ ، يُصَرَّفُ، يُضارَبُ، يُكْتَسَبُ، يُتَضارَبُ، يُتَصَرَّفُ، يُحْمَرُّ، يُحْمٰارُّ اور يُسْتَخْرَجُ۔

فعل ثلاثی مجرد کے باب فَعَلَ، یَفعُلُ سے فعل مضارع مجہول کی گردان: 

یُنصَرُ، یُنصَرَانِ، یُنصَرُونَ، تُنصَرُ، تُنصَرَانِ، یُنصَرْنَ، تُنصَرُ، تُنصَرَانِ، تُنصَرُونَ، تُنصَرِينَ، تُنصَرَانِ، تُنصَرْنَ، اُنصَرُ، نُنصَرُ۔

فعل ثلاثی مجرد کے باب فَعَلَ، یَفعِلُ سے فعل مضارع مجہول کی گردان: 

یُضْرَبُ، یُضْرَبَانِ، یُضْرَبُونَ، تُضْرَبُ، تُضْرَبَانِ، یُضْرَبْنَ، تُضْرَبُ، تُضْرَبَانِ، تُضْرَبُونَ، تُضْرَبِينَ، تُضْرَبَانِ، تُضْرَبْنَ، اُضْرَبُ، نُضْرَبُ۔

فعل  ثلاثی مزید فیہ کے باب افعال سے فعل مضارع مجہول کی گردان:

 يُكْرَمُ، يُكْرَمَانِ، يُكْرَمُونَ، تُكْرَمُ ، تُكْرَمَانِ، يُكْرَمْنَ، تُكْرَمُ، تُكْرَمَانِ، تُكْرَمُونَ، تُكْرَمِينَ، تُكْرَمَانِ، تُكْرَمْنَ، اُكْرَمُ، نُكْرَمُ۔

فعل  ثلاثی مزید فیہ کے باب تفعیل سے فعل مضارع مجہول کی گردان:

 يُصَرَّفُ، يُصَرَّفَانِ، يُصَرَّفُونَ، تُصَرَّفُ، تُصَرَّفَانِ، يُصَرَّفْنَ، تُصَرَّفُ، تُصَرَّفَانِ، تُصَرَّفُونَ، تُصَرَّفِينَ، تُصَرَّفَانِ، تُصَرَّفْنَ، اُصَرَّفْ، نُصَرَّفُ۔

فعل  ثلاثی مزید فیہ کے باب  مفاعَلہ سے فعل مضارع مجہول کی گردان:

 يُضَارَبُ، يُضَارَبَانِ، يُضَارَبُونَ، تُضَارَبُ ، تُضَارَبَانِ، يُضَارَبْنَ، تُضَارَبُ، تُضَارَبَانِ، تُضَارَبُونَ، تُضَارَبِينَ، تُضَارَبَانِ، تُضَارَبْنَ، اُضْارَبُ، نُضَارَبُ۔

فعل  ثلاثی مزید فیہ کے باب افتعال سے فعل مضارع مجہول کی گردان:

يُكتَسَبُ، يُكتَسَبَانِ، يُكتَسَبُونَ، تُكتَسَبُ، تُكتَسَبَانِ، يُكتَسَبْنَ  تا آخر۔

فعل  ثلاثی مزید فیہ کے باب تفاعُل سے فعل مضارع مجہول کی گردان:

 يُتَضَارَبُ، يُتَضَارَبَانِ، يُتَضَارَبُونَ، تُتَضَارَبُ ، تُتَضَارَبَانِ، يُتَضَارَبْنَ  تاآخر۔

فعل  ثلاثی مزید فیہ کے باب تفعُّل سے فعل مضارع مجہول کی گردان:

يُتَصَرَّفُ، يُتَصَرَّفَانِ، يُتَصَرَّفُونَ، تُتَصَرَّفُ، تُتَصَرَّفَانِ، يُتَصَرَّفْنَ  تا آخر۔

فعل  ثلاثی مزید فیہ کے باب افعلال سے فعل مضارع مجہول کی گردان:

 يُحْمَرُّ، يُحْمَرَّانِ، يُحْمَرُّونَ، تُحْمَرُّ، تُحْمَرَّانِ، يُحْمَررْنَ  تا آخر۔

فعل  ثلاثی مزید فیہ کے باب افعیلال سے فعل مضارع مجہول کی گردان:

 یَحمارُّبِہِ،  یَحمارُّبھما،  یَحمارُّبھم،  یَحمارُّبھا،  یَحمارُّبھما،  یَحمارُّبھنَّ  تا آخر۔

[یاد رہے کہ یہ باب اکثر اوقات حِسّی اور ظاہری رنگوں اور عیوب کےلیے استعمال کیا جاتا ہے اور یہ باب ہمیشہ لازم ہے نیز  یہ باب تدریج اور مبالغہ بیان کرنے کےلیے ہے جیسے اِحمارَّالحدیدُ یعنی لوہا بطور تدریج بہت زیادہ سُرخ ہوا۔رجوع کیجیے:سید محمد رضا طباطبائی،صرف سادہ، ص ۱۶۷،مؤسسہ انتشارات دارالعلم، قم،ایڈیشن: ۸۰، ۱۳۹۲شمسی ]۔

فعل  ثلاثی مزید فیہ کے باب استفعال سے فعل مضارع مجہول کی گردان:

 يُسْتَخْرَجُ،  يُسْتَخْرَجانِ،  يُسْتَخْرَجُونَ،  تُسْتَخْرَجُ،  تُسْتَخْرَجانِ،  يُسْتَخْرَجنَ تا آخر۔

"و در رباعىّ ، لام اوّل را مفتوح كنند به جاى عين چون يُدَحْرَجُ و يُتَدَحْرَجُ و يُحْرَنْجَمُ و يُقْشَعَرُّ"

اور رباعی کے ابواب میں عین الفعل کی بجائے پہلے لام کو مفتوح کرتے ہیں جیسے: يُدَحْرَجُ و يُتَدَحْرَجُ و يُحْرَنْجَمُ و يُقْشَعَرُّ۔

فعل رباعی مجرّد  سے فعل مضارع مجہول کی گردان:

 يُدَحْرَجُ،  يُدَحْرَجانِ،  يُدَحْرَجُونَ،  تُدَحْرَجُ،  تُدَحْرَجانِ،  يُدَحْرَجنَ تاآخر۔

فعل رباعی مزید فیہ کے باب تفعلُل سے فعل مضارع مجہول کی گردان:

 يُتَدَحْرَجُ بِہِ، يُتَدَحْرَجُ بھما،  يُتَدَحْرَجُ بھم، يُتَدَحْرَجُ بھا،  يُتَدَحْرَجُ بھما،  يُتَدَحْرَجُ بِھِنَّ تا آخر،

فعل رباعی مزید فیہ کے باب  افعِنلال سے فعل مضارع مجہول کی گردان:

يُحْرَنْجَمُ بِہِ، يُحْرَنْجَمُ بھما، يُحْرَنْجَمُ بھم، يُحْرَنْجَمُ بھا، يُحْرَنْجَمُ بھما، يُحْرَنْجَمُ بِھِنَّ تا آخر۔

فعل رباعی مزید فیہ کے باب افعِلّال سے فعل مضارع مجہول کی گردان:

 يُقْشَعَرُّ بِہِ،  يُقْشَعَرُّ بھما،  يُقْشَعَرُّ بھم،  يُقْشَعَرُّ بھا،  يُقْشَعَرُّ بھما،  يُقْشَعَرُّ بھِنَّ تا آخر۔

تذکّر: رباعی مجرد کا فقط ایک ہی باب ہے ـجس کا مصدر فَعلَلَة  اور بعض اوقات فِعلال کے وزن پر آتا ہے نیز یہ باب متعدی استعمال ہوتا ہے ۔

رباعی مزید فیہ کے تین ابواب ہیں: باب تفَعلُل، باب افعِنلال اور باب افعِلّال۔ 

رباعی مزید فیہ کے مذکورہ تینوں ابواب لازم ہیں۔ 

[یہ کتاب کی اُنیسویں فصل ہے۔ اس فصل میں امر حاضر مجہول بنانے کا طریقہ بیان کیا گیا ہے]۔

"فصل :بدانكه امر حاضر در فعل مجهول به طريق امر غايب باشد چون : لِتُضْرَبَ لِتُضْرَبٰا لِتُضْرَبُوا لِتُضْرَبى لِتُضْرَبٰا لِتُضْرَبْنَ"

فصل: جان لیجیے کہ امر حاضر مجہول امر غائب مجہول کے طریقے پر ہوتا ہے جیسے لِتُضْرَبَ لِتُضْرَبٰا لِتُضْرَبُوا لِتُضْرَبى لِتُضْرَبٰا لِتُضْرَبْنَ۔

ثلاثی مجرد اور اس کے مزید فیہ نیز رباعی مجرد اور اس کے مزید فیہ کے تمام افعال کا امر مجہول اسی قیاس پر ہوتا ہے۔

وَ صَلَّی اللَهُ عَلیٰ سَیَِدِنا مُحَمَّدٍ وَ آل مُحَمَّدٍ۔